کۆمسیۆنی باڵای سەربەخۆی هەڵبژاردنەکانی عێراق ڕایگەیاند، ئەنجامی بەراوردکاریی دەنگدانی ئەلیکترۆنی و ژماردنەوەی دەستیی دەنگەکان هاوتابوون، دەشڵێت، بەمنزیكانە ئەنجامی هەڵبژاردنەكان ڕادەگەیەنن.
جومانە غەلای، وتەبێژی كۆمسیۆنی باڵای سەربەخۆی هەڵبژاردنەكان لە ڕاگەیەندراوێكدا ئاماژەی بەوەكردووە، ئەنجامی بەراوردكاریی ژمارەدنەوەی دەستی و ئەلیكترۆنی بەڕێژەی 100% هاوتای یەك بوون.
باسی لەوەشكرد، ئەو وێستگانەی جیاكردنەوەی ئەلیكترۆنی و دەستییان بۆ كراوە، بە تیروپشك دیاریكرابوون.
هاوكات كۆمسیۆنی باڵای هەڵبژاردنەكان لە ڕاگەیەندراوێكدا داوا لە ڕۆژنامەنووسان دەكات بچنە ناوچەی سەوز بۆ ئامادەبوون لە ڕاگەیاندنی ئەنجامە بەراییەكان، كە بەوتەی كۆمسیۆنەكە بەمنزیكانە دەبێت.
