كازمی: سوپاس بۆ خودا ئەرکی خۆمان بەجێهێنا

مستەفا كازمی سەرۆك وەزیرانی عێراق دوای كۆتاییهاتنی پرۆسەی هەڵبژاردن پەیامێكی بڵاوكردەوە و ڕایگەیاند، “ئەرکی خۆمان بەجێهێنا و گفتی خۆمان بردەسەر بۆ ئەنجامدانی هەڵبژاردنێکی بێگەرد و ئارام”.

مستەفا كازمی لە تویتێكدا كە لە هەژماری خۆی بە زمانەكانی كوردی و عەرەبی بڵاویكردووەتەوە، دەڵێت، “سوپاس بۆ خوا، ئەرکی خۆمان بەجێهێنا و گفتی خۆمان بردەسەر بۆ ئەنجامدانی هەڵبژاردنێکی بێگەرد و ئارام”.

كازمی سوپاسی زۆر لایەنی كردووە، نووسیویەتی، “زۆر سوپاس بۆ گەلی هێژامان، دەنگدەران، پاڵێوراوان، هێزە سیاسییەکان، چاودێران، کارمەندانی کۆمسێونی هەڵبژاردن، هێزە ئەمنییە قارەمانەکان، لەگەڵ نەتەوە یەکگرتووەکان و مەرجەعییەتی ئاینی”.

كەمێك لەمەوبەر هەڵبژاردنی گشتی بۆ ئەنجومەنی نوێنەران كۆتاییهات و كۆمسیۆن ماوەكەی درێژنەكردەوە.

بڕیارە دوای 24 كاتژمێر كۆمسیۆنی هەڵبژاردنەكان ئەنجامە بەراییەكان بڵاوبكاتەوە.

بابەتی پێشتر

دەنگدانی گشتیی هەڵبژاردنی نوێنەران كۆتاییهات

بابەتی دواتر

ئێران هەرێمی کوردستان تۆمەتباردەکات و حکومەتیش نامەیەک بۆ تاران دەنێرێت

بابەتی پەیوەندیدار
Total
1
Share