خالید شوانی: كەسانێكی زۆری سەر بە داعش لە كەركوك دەنگیانداوە

لێپرسراوی لیژنەی ڕاگەیاندنی هاوپەیمانی كوردستان لە كەركوك ڕایدەگەیەنێت، بەشێك لە عەرەبەکان دەستکاریی تۆماری دەنگدانیان کردووە و ئەمیری چەکداری داعش هەبووە بەشداری لە دەنگدانی تایبەت کردووە.

خالید شوانی، لێپرسراوی لیژنەی ڕاگەیاندنی هاوپەیمانی كوردستان لە كەركوك لە كۆنگرەیەكی ڕۆژنامەوانیدا ڕایگەیاند، بەشێك لە عەرەبەکان دەستکاریی تۆماری دەنگدانیان کردووە و پیلانگێڕیی گەورە و فراوانیان دژی کورد دەستپێکردووە.

باسی لەوەشكرد، گۆڕانکاری لە کۆمسیۆنی کەرکوک کراوە و کورد لابراوە.

خالید شوانی وتیشی، “ناوی داعش تۆمارکراوە و ئەمیری داعش هەبووە بەشداریی دەنگدانی تایبەتی كردووە، بۆیە سکاڵامان لە کۆمسیۆن تۆمارکردووە و بەڵگەكانیشمان ڕادەستكردوون”.

جەختی لەوەشكردەوە، سکاڵایان لەدژی ئەو کەسانە تۆمارکردووە کە کەسایەتیی سیاسیی گەورەی عەرەبن لە پارێزگاكە بەهۆی ئەوەی دەستیان لەپشت ئەو كارەوە هەیە.

 

بابەتی پێشتر

وێنە.. نوسینگەى کەلتورى لەشارى سلێمانی کرایەوە

بابەتی دواتر

وێنە.. بەهۆی بۆردومانی تورکیاوە چەند شوێنەوارێکی ئاشورییەکان ڕوخا

بابەتی پەیوەندیدار