سەدر داوای كۆتایی پێهێنان بە خۆپیشاندانەكان دەكات

موقتەدا سەدر

موقتەدا سەدر سەرۆكی ڕەوتی سەدر، بە ناڕاستەوخۆ داوا لە حكومەت دەكات كۆتایی بە خۆپیشاندانەكان بهێنێت.

لە تویتێكدا سەدر نوسیویەتی، “ئەو گێرەشێوێنانەی كە لە دەرەوە پشتگیری دەكرێن و خزاونەتە ڕیزی خۆپیشاندەرانەوە، شۆڕش لە ڕێڕەوی ئاشتییانەی لادەبەن، بە تایبەت دوای ئەوەی سەرۆكوەزیران ئاشكرایكرد كە هێزە ئەمنییەكان پڕچەك ناكرێن.”

دەشڵێت، “پێویستە حكومەت ئاسایش بەرقەراربكات و بەرپەرچی ئاژاوەگێڕان بداتەوە و نەهێڵێت كاری تێكدەرانە بكەن و ئاسایش بشێوێنن، دەبێت حكومەت ڕێگەكان بكاتەوە و شكۆ بۆ دەوڵەت بگەڕێنێتەوە، بە پێچەوانەوە ئەوا كەمتەرخەم دەبێت بەرامبەر بەوانەی ئەجێندای دەرەكی و بیری لادەرانەیان هەیە، خودا پشتیوانی خۆپیشاندەرانی ئاشتیخواز بێت.”

وتەكانی سەدر لەكاتێكدان، مستەفا كازمی سەرۆكوەزیرانی عێراق، فەرمانی بە هەموو هێزە ئەمنی و سەربازییەكان كردووە، پیشەگەرانە مامەڵە لەگەڵ خۆپیشاندەراندا بكەن و بیانپارێزن.
بابەتی پێشتر

خاوەنی كۆمپانیای سامسۆنگ كۆچی دواییكرد

بابەتی دواتر

خۆپیشاندانەكانی بەغداد.. برینداربوونی 32 كارمەندی ئەمنی ڕاگەیەنرا

بابەتی پەیوەندیدار
زیاتر ببینە

فڕۆكەخانەی بەغداد موشەكباران كرا

فڕۆكەخانەی بەغداد بە موشەكی كاتیۆشا كرایە ئامانج و میدیا عێراقییەكان بڵاویانكردەوە لەلایەن سیستمی دژەموشەكی بنكەی ڤیكتریی هێزەكانی ئەمریكاوە…
Total
0
Share