كەركوك.. داعش هێرشیكردە سەر پۆلیسی فیدراڵی

لە كەركوك چەكدارانی داعش هێرشیانكردە سەر پۆلیسی فیدراڵیی و كوژراو و بریندارهەیە.

بەپێی هەواڵی میدیا عێراقییەكان، ئەمشەو چەكدارانی داعش هێرشیانكردووەتە سەر پۆلیسی فیدراڵی لە گوندی سەعدونیە لە سنووری پارێزگای كەركوك، بەهۆیەوە پۆلیسێك كوژراوە و دوانی دیكەش بریندرابوون.

ئاماژەیان بەوەشكردووە، دوای ماوەیەك شەڕ و ڕووبەڕووبوونەوە چەكدارانی داعش هەڵاتوون.

ماوەیەكە هێرشەكانی داعش بۆسەر هێزەئەمنییەكان لە پارێزگاكانی دیالە، كەركوك و سەڵاحەدین زیادیكردووە.

وەزارەتی بەرگریی عێراق و وەزارەتی پێشمەرگەی هەرێمی كوردستانیش ڕێككەوتوون لەسەر دورستكردنی دوو لیوای هاوبەش، تا لەو ناوچانە بڵاوەیان پێبكرێت كە بۆشایی ئەمنیی تێدا دروستبووە و چەكدارانی داعشیش بۆ هێرشكردنە سەر هێزەئەمنییەكان قۆستوویانەتەوە.

بابەتی پێشتر

هاوپەیمانیی نێودەوڵەتی: هەوڵی سەرخستنی پرۆسەی چاكسازی لە وەزارەتی پێشمەرگەدا دەدەین

بابەتی دواتر

زەبەلاحەکانی مانچستەر لەڕووی داراییەوە پاریس و ڕیاڵیان تێپەڕاندووە

بابەتی پەیوەندیدار