وتەبێژی بەڕێوەبەرایەتی پۆلیسی پارێزگای هەڵەبجە ڕایگەیاند، تەرمی پۆلیسێک لە نزیک بینای بەڕێوەبەرایەتی هاتوچۆی هەڵەبجە دۆزراوەتەوە و لێکۆڵینەوە بەردەوامە.
بەرزان عوسمان، وتەبێژی پۆلیسی هەڵەبجە بە تۆڕی میدیایی ئێستای ڕاگەیاند، “کاتژمێر 8:00ی بەیانی ئەمڕۆ تەرمی کەسێک بەناوی (ف،ا،ح) دۆزراوەتەوە، کە پۆلیس بووە لە لقی 12ی پارتی دیموکراتی کوردستان”.
بە وتەی بەرزان عوسمان تیمەکانی بەڵگە و تاوان و بنکەی پۆلیسی سیروان دەستیان بە لێکۆڵینەوە کردووە لە ڕووداوەکە و لە ئایندەدا ئەنجامی لێکۆڵینەوەکان ڕادەگەیەندرێت.
