خوێندنی باڵا بۆ زانکۆکان: بەڕەچاوکردنی کوالێتی زۆرترین دەرفەتی خوێندن بۆ دەرچووانی ئامادەیی بڕەخسێنن

وەزیری خوێندنی باڵا و توێژینەوەی زانستی داوای لە زانکۆ حکومییەکان کرد زۆرترین دەرفەتی خوێندنی گشتی بۆ دەرچووانی ئامادەیی بڕەخسێنن لەگەڵ ئەوەشدا ڕەچاوی کوالێتی خوێندن بکرێت.

ئارام قادر وەزیری خوێندنی باڵا و توێژینەوەی زانستی لەگەڵ سەرۆک و نوێنەری زانکۆ حکومییەکانی هەرێمی کوردستان کۆبووەوە و ڕایگەیاند، ئامانجمان دانانى میکانیزم و پلانى وەرگرتنە بۆ ساڵى نوێى خوێندن، بە شێوەیەک پلانەکان هاوتەریب بن بۆ سودى دەرچووان و پێداویستییەکانى بازاڕى کار.

وەزیری خویندنی باڵا جەختیکردەوە، بۆ یەکەمجار لەمێژووى خوێندنى باڵا لە هەرێمى کوردستان لەماوەى دوو ساڵى ڕابردوودا، توانرا زۆرترین ڕێژەى پلانى وەرگرتن بۆ دەرچووانى دوانزەى ئامادەیى لە زانکۆ و پەیمانگەکان تەرخانبکەین.

ئارام قادر لە چوارچێوەی دانانی پلانی وەرگرتنی خوێندکارانی دەرچووی ئامادەیی لە زانکۆکان بە سەرۆک و نوێنەری زانکۆکانی ڕاگەیاند، ” بەڕەچاوکردنى کوالێتى، زۆرترین دەرفەتى خوێندن بۆ دەرچووانى ئامادەیى لە زانکۆ و پەیمانگا حکومییەکانى هەرێمى کوردستان بڕەخسێنن”.

بابەتی پێشتر

خورماتوو.. بەبڕیاری بافڵ تاڵەبانی مووچەی دزراوی مامۆستایانی خوێندنی کوردی خەرجدەکرێت

بابەتی دواتر

داوای هەڵوێست لە دیپلۆماتكارانی ئەفغانی دژ بە تاڵیبان دەكرێت

بابەتی پەیوەندیدار
Total
5
Share