نیگەرانی لە کەمبوونەوەی بەنزین، خەڵکی بەشێک لە شارەکانی بەریتانیای بەرەو بەنزینخانەکان برد و ئەوەش قەرەباڵخی و سەرەی بەنزینی دروستکرد.
گرانت شاپس، وەزیری گواستنە و گەیاندنی حکومەتی بەریتانیا لەسەر ئەو پرسە ڕایگەیاندووە، “کەمی بەنزین لە بەریتانیا بوونی نییە و تەنها دەنگۆ و هەواڵی ناڕاست، خەڵکی نیگەران کردووە و ڕوویان لە بەنزینخانەکان کردووە”.
لەگەل قسەکانی وەزیری گواستنەوە و گەیاندنی بەریتانیادا بەشێک لە بەنزینخانەکان بەتایبەت ئەوانەی سەربە کۆمپانیای بی پیین چەند کاتژمێرێک بەنزینخانەکانیان دادەخەن، بەهۆی نەمانی بەنزینەوە.
بە وتەی وەزیری گواستنەوە و گەیاندنی بەریتانیا، “نزیکەی 50 کۆگای سوتەمەنی و شەش پاڵاوگەی گەورە سەرقاڵی کارەکانی خۆیانن و هیچ ڕووداوێک لەکارەکانیاندا ڕووینەداوە”.
بەشێک لە بەنزینخانەکان، بەهۆی نیگەرانی خەڵکی و پڕکردنی تەنکی ئۆتۆمبیلەکانیان بەنزین نەماوە.
وەزیری گواستنەوە و گەیاندنی بەریتانیا، “ئەنجومەنی گواستنەوە”ی بە بڵاوکردنەوەی هەواڵی نەبوونی بەنزین تۆمەتبار کردووە و ئەنجومەنەکەش دەڵێت، “هۆکارەکە بێ بەرنامەی حکومەتە”.
