هێزەکانی پاراستنی گەل ناسنامەی سێ گەریلای ئاشکراکرد کە لە بەرواری سێی ئەم مانگە لە ئاڤاشین لە هیرشێکی کیمیایی سوپای تورکیادا شەهیدکراون.
لە ڕاگەیەندراوێکدا هەپەگە ئاشکرایکرد، ” سوپای داگیرکەری تورک لەبەرئەوەی نەیتوانیوە بەهۆی بەرخۆدانی هێزەکانمانەوە پێشڕەویی بکات، ڕێبازی دژەمرۆڤانەی بەکارهێناوە و گازی ژەهراویی دژی گردی سۆر بەکارهێناوە و لەم هێرشەدا، سێ هەڤاڵمان شەهیدبوون”.
ئەو سێ گەریلایە لە 15ی ئەم مانگە لەلایەن هێزەکانی پاراستنی گەلەوە هەواڵی شەهیدبوونیان بڵاوکرایەوە و ئەمڕۆ هەپەگە ڕایگەیاند، کە بەهۆی بەکارهێنانی چەکی کیمیایی لە ناوچەی گردی سۆر لە ئاڤاشین شەهیدبوون.
هەپەگە ناسنامەکانیانی بڵاوکردووەتەوە کە هەریەکە لە، بۆتان ئۆزگور، زنارین وڵات، دەلال قامشلۆ بوون.
