شانەی ڕاگەیاندنی ئەمنی عێراق بڵاویكردەوە، چەند حەشارگەیەكی داعشیان لە سنووری قەزای داقوقی سەر بە پارێزگای كەركوك خاپووركردووە و سێ كەسیشیان دەستگیركردووە كاریان بۆ داعشكردووە.
لە ڕاگەیەندراوێكدا شانەی ئەمنی عێراق بڵاویكردەوە، دوای كۆكردنەوەی زانیاریی هەواڵگری، فڕۆكە جەنگییەكانی عێراق بۆردومانی چەند حەشارگەیەكی چەكدارانی داعشیان كردووە لە وادی شای سەر بەقەزای داقوق لە پارێزگای كەركوك.
ئاماژە بەوەشكراوە، لە نزیک گوندی خازر، هێزە ئەمنییەكان سێ کەسی سەربە ڕێکخراوی داعشیان دەستگیرکردووە، کە زانیارییان لەسەر بازگە و خاڵە سەربازییەكان کۆدەکردەوە.
