فڕۆكەیەكی ڕوسی بە شەش سەرنشینەوە ونبوو.
وەزارەتی باری نائاسایی ڕوسیا ئێوارەی ئەمڕۆ چوارشەممە ڕایگەیاند، فڕۆكەیەكی جۆری ئێن – 26 كە شەش كەس سەرنشینیبوون، لە ڕادارەكان ونبووە.
ڕوونیكردەوە، فڕۆكەكە لە گەشتێكی ئەزموونیدا بووە بۆ تاقیكردنەوەی ئامێری پەیوەندیی ئاسمانی و لە هەرێمی خابارۆڤسك لەوپەڕی باكووری ڕوسیا ونبووە كە ناوچەیەكی شاخاویی سروشتیی دوور لە دانیشتووانە.
ئاژانسی هەواڵی ئینتەرفاكسی ڕوسی بڵاویكردەوە، فڕۆكەكە لە كەشێكی ئاسایی و بێگرفتدا فڕیوە و تا 600 مەتر بەرزبووەتەوە، بۆیە نازانرێت چارەنووسی و چییە و هۆكاری ونبوونەكەی نەزانراوە.
