پۆلیسی پۆڵەندا تەرمی چوار کۆچبەری لە سنورەکانی وڵاتەکەی لەگەڵ لیتوانیا دۆزیوەتەوە و یەکێک لە کۆچبەرەکان عێراقییە.
پۆلیسی پۆڵەندا ئاگادارکراونەتەوە لە بوونی دۆخی خراپی کۆمەڵێک کۆچبەر، کاتێک بەهانای کۆچبەرەکانەوە چوون، چوار کەسیان گیانیانلەدەستداوە و دۆخی تەندروستی نۆ کۆچبەری دیکە خراپ بووە.
بەپێی زانیارییەکانی میدیاکانی پۆڵەندا، ئەو کۆچبەرە عێراقییەی گیانی لە دەستداوە تەمەنی 30 ساڵە، ئەگەرچی ئەگەری بەهێز سەرمایە، بەڵام تا ئێستا لێکۆڵینەوە لە هۆکاری مردنی کۆچبەرەکان دەکرێت.
ئەو شوێنەی کە ڕووداوەکەی تێیدا ڕوویداوە ناوچەیەکە پێی دەوترێت “گیپی” و دەکەوێتە سنوری پۆڵەندا و بێلاڕوسیاوە.
کۆچبەرەکان چەند ژن و منداڵێکیان لەگەڵدا بووە و تەنانەت منداڵی سێ مانگیش لەناو ئەو کۆمەڵە کۆچبەرەدا هەبوون.
ڕۆشتنی کۆچبەران بۆ پۆڵەندا پەیوەستە بەهەمان قەیرانی کۆچەوە لە بێلاڕوسیا، کە لەماوەی دوو مانگی ڕابردوودا هەزاران کۆچبەر هەوڵیانداوە لە وڵاتی بێلاڕوسیاوە خۆیان بگەیەننە پۆڵەندا و لەوێشەوە بۆ وڵاتی سێیەم.
