پۆلیسی خەبات دەستگیركردنی ئەو تۆمەتبارەی ڕاگەیاند كە بە بەهای 120 هەزار دۆلار ( 12 دەفتەر) كەلوپەلی كارەبایی دزیبوو.
لە ڕاگەیەندراوێكدا بەشی پۆلیسی نەهێشتنی تاوان، نووسینگەی خەبات، ئاماژەی بەوەكردووە، “تۆمەتبارێكمان بە ناوی (س. ع. و) دەستگیر كرد، كە لە كۆگایەكی كەلوپەلی كارەبایی بە بەهای 120 هەزار دۆلار ( 12 دەفتەر) دزیكردبوو پاشان لە پارێزگای موسڵ فرۆشتبوونی.”
پۆلیسی خه‌بات باسی لەوەشكردووە، تۆمەتباری ناوبراو بە بڕیاری دادوەری لێكۆڵینەوە و بەپێی ماددە (444) لە یاسای سزادانی عێراقیی ڕِاگیراوە و لێكۆڵینەوەش لەگەڵی بەردەوامە.
