وەزارەتی بەرگریی توركیا كوژرانی سەربازێكی لە هەرێمی كوردستان ڕاگەیاند.
بەپێی ڕاگەیەنراوێكی وەزارەتەكە سەربازێكی ئەو وڵاتە بەهۆی تەقینەوەی بۆمبێكی چێنراوەوە لە ناوچەی ئاڤاشین كوژراوە.
پێشتر وەزارەتەكە كوشتنی شەش گەریلای پارتی كرێكارانی كوردستانی لە بۆردومانێكی ئاسمانیدا ڕاگەیاند، بەڵام تائێستا میدیاكانی پەكەكە ئەو هەواڵەیان پشتڕاست نەكردووەتەوە.
لە 23ی نیسانی ڕابردووەوە هێزەكانی توركیا هەڵمەتێكیان لە ناوچەكانی مەتینا و ئاڤاشین-ی ناوچە سنوورییەكانی هەرێمی كوردستان دژ بە گەریلاكانی پەكەكە دەستپێكردووە و تائێستا لەڕێی هێرشی ڕاستەوخۆ و بۆردومانی ئاسمانییەوە درێژەی هەیە.
