بافڵ تاڵەبانی بۆ نەدیم زەهاوی: بوونت بە وەزیری پەروەردەی بەریتانیا شانازییەکی گەورەیە بۆ کوردستان

بافڵ تاڵەبانی هاوسەرۆکی یەکێتیی نیشتمانیی کوردستان بەبۆنەی دیاریکردنی نەدیم زەهاوی وەک وەزیری پەروەردەی بەریتانیا پەیامێکی پیرۆزبایی ئاراستە کرد و دەڵێت، “شانازییەكی گەورەیە بۆ كوردستان”.

لە پەیامەکەی بافڵ تاڵەبانیدا هاتووە، “بەبۆنەی دەستنیشانکردنی بەڕێزتان وەک وەزیری پەروەردەی بەریتانیا، گەرمترین پیرۆزباییت لێدەکەم و شانازییەكی گەورەیە بۆ كوردستان و خەڵكە خۆشەویستەكەی”.

هاوسەرۆکی یەکێتی، ستایشی هەوڵەکانی نەدیم زەهاوی دەکات و دەڵێت، “هەوڵ و كۆششی بێسنووری ئێوە لە ڕابردوودا لەبەرامبەر بەرپرسیارێتییە نەتەوەیی و نیشتمانییەكان و پشتیوانیكردنی دۆزە ڕەواكانی گەلەكەمان، جێگەی پێزانین و ستایشی ئێمەیە”.

‎لە کۆتایی پەیامەکەیدا بافڵ تاڵەبانی هیوای سەرکەوتنی لە ئەركە نوێیەكەیدا بۆ خواستووە و داوا دەکات كاركردن لەپێناو  دۆزی كورد و كوردستان كاری لەپێشینەی بێت.

بابەتی پێشتر

ئەمریکا سزای نوێی بەسەر ژمارەیەک کەسی سەر بە حزبوڵڵا و فەیلەقی قودسدا سەپاند

بابەتی دواتر

پۆلیسی هەڵەبجە: بەهۆی وەرگەڕانی تراکتۆرێکەوە دوو کەس گیانیان لەدەستدا

بابەتی پەیوەندیدار
Total
16
Share