وەزارەتی دەرەوەی ئەمریكا لەبارەی هێرشەكەی سەر هەولێر قسەی بۆ ئێستا كرد

وەزارەتی دەرەوەی ئەمریكا لەبارەی هێرشەكەی سەر فڕۆكەخانەی هەولێر قسەی بۆ تۆڕی میدیایی ئێستا كرد.

دیسكی ئینگلیزیی تۆڕی میدیایی ئێستا، لەبارەی ڕای ئەمریكا بەرامبەر هێرشەكەی سەر فڕۆكەخانەی هەولێر، كە بە فڕۆكەی بێفڕۆكەوان ئەنجامدرا، بە ئیمەیڵ پرسیاری ئاراستەی وەزارەتی دەرەوەی ئەمریكا كرد.

ڕێپێدراوێكی وەزارەتەكە بە تەلەفۆن پەیوەندیی بە دیسكی ئینگلیزیی تۆڕی میدیایی ئێستا-وە كردەوە، ڕایگەیاند، ڕای فەرمیی ئەمریكا هەمان ئەو ڕایەیە كە كونسوڵخانەی ئەمریكا لە هەولێر لەبارەی هێرشەكەوە ئاشكرایكردووە.

درەنگانی شەوی شەممە، جارێکی دیکە بە سێ درۆنی بۆمبڕێژکراو، هێرشکرایەوە سەر فڕۆکەخانەی هەولێر و سیستمی بەرگریی ئاسمانی کونسوڵخانەی ئەمریکا ڕووبەڕووی درۆنەکان بوویەوە.

دوای هێرشەکە کونسوڵخانەی ئەمریکا لە هەولێر، پشتگیریی وڵاتەکەی بۆ حکومەتی هەرێم دەربڕی لە دۆزینەوەی بکەرانی هێرشەکەی  سەر فڕۆکەخانەی هەولێر.

کونسوڵخانەی ئەمریکا لە ڕاگەیەندراوێکدا لەسەر هێرشەکە ڕایگەیاند، “بەتوندی ئیدانەی ئەو هێرشە دەکەین، کە بەهۆی فڕۆکەی بێفڕۆکەوانەوە لە هەرێمی کوردستان ئەنجامدرا، ئەم هێرشە بەردەوامانە هەڕەشەن بۆ سەروەری و سەقامگیریی عێراق، پشتیوانی لە حکومەتی هەرێمی کوردستان دەکەین لە لێکۆڵینەوەکانی بۆ دەستنیشانکردنی بەرپرسیارانی هێرشەکە.”

بابەتی پێشتر

مەسجدی: لابردنی ڤیزای نێوان عێراق و ئێران تەنها بۆ گەشتی ئاسمانییە

بابەتی دواتر

میدڤیدێڤ دیۆکۆڤیچی له‌ ڕیکۆردێکی مێژوویی بێبه‌شکرد و ناسناوی ئه‌مریکای کراوه‌ی به‌ده‌ستهێنا

بابەتی پەیوەندیدار
زیاتر ببینە

مەكتەبی تەنفیزیی یەكێتيی زانایان ڕوونكردنەوەیەكی لەبارەی قسەكانی مەلا عەبدوڵڵا وەیسی بڵاوكردەوە

مەكتەبی تەنفیزیی یەكێتیی زانایانی ئایینی ئیسلامیی كوردستان ڕوونكردنەوەیەكی لەبارەی قسەكانی مەلا عەبدوڵڵا وەیسی بڵاوكردەوە و ڕایگەیاند، “لێكدانەوەی هەڵە…
زیاتر ببینە

یه‌كێتى و پارتى كۆده‌بنه‌وه‌‏

بڕیاره‌ له‌ هه‌فته‌ى داهاتووه‌وه‌ یه‌كێتى و پارتى له‌سه‌ر ئاستى مه‌كته‌بی سیاسی ‏كۆبوونه‌وه‌كانیان لەبارەی پێكهێنانی شاندی هاوبه‌ش و بەشداری…
Total
1
Share