چوار منداڵ و دایكیان بەهۆی ڕووداوێكی كەوتنەوەی ئاگر لە پارێزگای زیقار گیانیان لەدەستدا.
ڕووداوەكە ئێوارەی دوێنێ هەینی لە ناحیەی عەكیكەی سەر بە پارێزگای زیقار لە باشووى عێراق بووە.
ئاگرەكە تەواوی ماڵەكەی سوتاندووە و پاش گەیشتنی تیمەكانی ئاگركوژێنەوە و كۆنتڕۆڵكردنی، تەرمی قوربانییەكان دەرهێنراون.
ڕووداوەكە لەكاتێكدایە لە 13ی تەمموزی ڕابردووش ئاگرێك لە نەخۆشخانەی “ئیمام حوسێن”ی تایبەت بە كۆرۆنا لە زیقار كەوتەوە و بەهۆیەوە 92 كەس گیانیان لەدەستدا، كە لەنێوانیاندا حەوت ئەندامی یەك خێران هەبوون.
