سۆران.. پیاوێک دوای ڕزگارکردنی هاوسەرەکەی لە گەلی عەلی بەگ خۆی خنکا

بەڕێوەبەرایەتیی بەرگریی شارستانیی سۆران ئاشکرایکرد دوای ئەوەی ژنێک دەکەوێتە ڕووباری گەلی عەلی بەگ و هاوسەرەکەی ڕزگاری دەکات، نەیتوانیوە خۆی ڕزگاربکات و خنکاوە.

لە ڕاگەیەندراوێکدا بەڕێوەبەرایەتیی بەرگریی شارستانیی سۆران ڕایگەیاند، لە رووداوێکی خنکاندا لە ڕووباری گەلی عەلی بەگ کەسێک لەکاتی ڕزگارکردنی خێزانەکەی لە خنکان خۆی خنکاوە.

بەپێی وتەی دلڤین کەماڵ هاوسەری ئەو کەسەی خنکاوە، ” سەرەتا (دلڤين) نزیک دەبێتەوە لە کەناری ڕووبارەکە دەکەوێتە ناو ڕووبار لەلایەن پياوەكەى (هەرێم محمد مولود) ڕزگار دەکرێت بەڵام (هه رێم) نەیتوانیوە گیانی خۆی ڕزگار بکات و لەنێو ڕووبارەکەدا خنکاوە”.

ئەو کەسەی خنکاوە ناوی هەرێم محەمەد مەولودە و تەمەنی 28 ساڵە و پیشەی کاسبە، هەرێم دانیشتووی پارێزگای هەولێرە و لەبنەڕەتدا خەڵکی پارێزگای کەرکوکە، بەمەبەستی گەشتیاری ڕوویان لەو ناوچەیە کردووە.

تەرمی هەرێم محەمەد لەلایەن تیمی مەلەوانیی بەڕێوەبەرایەتیی بەرگریی شارستانیی سۆرانەوە دەرهێنراوە و ڕەوانەی پزیشکی دادی سۆران کراوە.

بابەتی پێشتر

سەرۆکی هەرێم: لە بانگەشەی هەڵبژاردن کارێکی وانەکرێت کاری هاوبەشی بەغداد سەختتر بکات

بابەتی دواتر

ماکێنزی بۆ کازمی: کەمکردنەوەی هێزەکانی ئەمریکا لە عێراق کێشە بۆ پەیوەندیەکان دروستناکات

بابەتی پەیوەندیدار
Total
1
Share