فەرەنسا: پێویستە ئێران ماددە ئەتۆمییە نهێنییەكانی ئاشکرابکات

وەزارەتی دەرەوەی فەرەنسا داوا لە ئێران دەکات وردەکاریی تەواو لەبارەی ئەو ماددە ئەتۆمییە نهێنییانەی هەیەتی بخاتەبەردەست ئاژانسی نێودەڵەتیی وزەی ئەتۆم.

وەزارەتی دەرەوەی فەرەنسا ڕایگەیاند، لە ناوەڕاستی ئەم مانگەدا بەڕێوەبەری گشتیی ئاژانسی وزەی ئەتۆم ڕاپۆرتێك سەبارەت بە هاوکاریی ئێران بە ئاژانسەکە پێشکەشدەکات، فەرەنسا داوادەکات تاران بەبێ دواکەوتن هاوکاریی ئاژانسەکە بکات.

هەریەکە لە فەرەنسا، ئەڵمانیا و بەریتانیا لە مانگی ڕابردوودا دوای راپۆرتەکەی ئاژانسی وزەی ئەتۆم، نیگەرانیی خۆیان دەربڕی لە گەیشتنی ئێران بۆیەکەمجار بە ڕێژەی 20%ی بەرهەمهێنانی یۆرانیۆم و زیادکردنی تا ئاستی 60%.

بەپێی میدیای فەرمیی ئێران، یەکشەممەی ڕابردوو سەرۆک کۆماری ئێران، بەڕێوەبەری وزەی ناوکیی وڵاتەکەی کە یەکێک بوو لە دیارترین زانایانی ئەتۆمیی ئێران، گۆڕی بە کەسێک کە شارەزایی و ئەزمونێکی ئەوتۆی نییە لە وزەی ئەتۆمیدا.

ئیبراهیم ڕەئیسی سەرۆک کۆماری ئێران شەممەی ڕابردوو ڕایگەیاند، ئێران ئامادەیە بەردەوامی بە گفتوگۆکان سەبارەت بە ڕێککەوتنی ئەتۆمی لەگەڵ وڵاتانی خۆرئاوادا بدات، بەڵام لەژێر فشاری خۆرئاوادا نابن، ئێران هەوڵدەدات بۆ هەڵگرتنی سزاکانی ئەمریکا لەسەری.

بابەتی پێشتر

بافڵ تاڵەبانی یەكگرتنەوەی پێشمەرگە و بەرەنگاربوونەوەی داعشی لەگەڵ شاندێكی ئیتاڵیا تاوتوێكرد

بابەتی دواتر

گرێبەستی دامەزراندنی 500 كارمەندی تەندروستی نوێدەكرێنەوە

بابەتی پەیوەندیدار
Total
19
Share