لە سبەینێوە، ڕۆژانە بۆ ماوەی چوار كاتژمێر هێڵەكانی ئینتەرنێت ڕادەگیرێن، پەیوەندیی بە دەستپێكردنی خولى دووەمى تاقیكردنەوەكانی 12ی ئامادەیی هەیە.
وەزارەتی گواستنەوە و گەیاندنی حكومەتی هەرێم ئاشكرایكرد، لە ڕۆژی دووشەممەوە 6ی ئەیلول، تا 15ی ئەیلول، بەهۆی بەڕێوەچوونی خولی دووەمی تاقیکردنەوە نیشتمانییەكانی پۆلی 12ی ئامادەیی، ڕۆژانە لە کاتژمێر 06:30ی بەیانی تا 10:30ی بەیانی، سەرجەم هێڵەکانی ئینتەرنێت ڕادەگیرێن.
ئامانج لە ڕاگرتنى هێڵەکانى ئینتەرنێت ڕێگریکردنە لە قۆپیکردن لە تاقیکردنەوەکان، پێشتریش لە خولی یەكەمی تاقیكردنەوەكان هەمان ڕێكار گیرایەبەر.
