چەکدارانی داعش لە گوندێكی ناحیەی گوڵاڵەی سەر بە قەزای خانەقین هێرشێکی بۆ سەر سوپای عێراق ئەنجامدا و ژمارەیەک لە ئەندامانی هێزە عێراقییەکان کوژران و برینداربوون.
شەماڵ عەبدولڕەحمان بەرپرسی یاریدەدەرێتیی ئاسایشی کۆکس ڕایگەیاند، داعش لە گوندی ئیسلاح لە باکووری ناحیەی جەلەولا هێرشیکردووەتە سەر سوپای عێراق.
وتیشی، هەرچەندە ئاماری ورد لەبارەی کوژراو و بریندارەکان نییە، بەڵام لە ڕوبەڕوبوونەوەی نێوایاندا ژمارەیەک لە ئەندامانی سوپای عێراق کوژراون و برینداربوون.
میدیا عێراقییەکان لەزاری سەرچاوە ئەمنییەکانەوە بڵاویانکردەوە، داعش بە گوللـە هاوەن هێرشی بۆ سەر گوندەکە ئەنجامداوە و لەئەنجامدا دوو کەس کوژراون، کە دوو ژنی گوندەکە بوون.
