تەقینەوەیەك لە یەكێك لە خێوەتەكانی كامپی قادیا ڕوویدا و بەهۆیەوە دوو منداڵ گیانیان لەدەستدا و سێ كەسی دیكە برینداربوون.
كاتژمێر 10:00ی ئەمشەو لە كامپی قادیا، كە تایبەتە بە ئاوارە ئێزدییەكانی شەنگال، تەقینەوەیەك لە یەكێك لە خێوەتەكانیدا ڕوویدا.
پەیامنێرمان پێی ڕاگەیاندین، بەهۆیەوە دوو منداڵی تەمەن یەك ساڵ و نۆ ساڵ گیانیان لەدەستداوە، سێ كەسی دیكەش بریندارن كە برینەكانیان كاریگەرە و گوازراونەتەوە بۆ نەخۆشخانەی فریاكەوتنی دهۆك.
لەسەر زاری سەرچاوەكانی پۆلیس و هێزە ئەمنییەكانیشەوە وتی، هۆكاری تەقینەوەكە دیارنییە و لەلایەن ئەو هێزانەوە لێكۆڵینەوە دەكرێت.
كامپی قادیا دەكەوێتە سنووری قەزای زاخۆ و زیاتر لە سێ هەزار خێوەت و كەرەڤانە لەخۆدەگرێت.
