بەڕێوەبەرایەتیی پۆلیسی گەرمیان دەستگیرکردنی سێ تۆمەتباری ڕاگەیاند کە ویستوویان هەزار و 400 فیسەک بەنایاسایی ببەنەدەرەوە دەستگیرکران.
لە ڕاگەیەندراوێکدا عەلی جەمال قەدوری وتەبێژی پۆلیسی گەرمیان ڕایگەیاند، شەوی ڕابردوو لەکاتی دانانی بازگەی لیژنەهاوبەشەکانی سنووری گەرمیان لەنێو قەزای کەلار مەفرەزەکانی 104ی کەلار لە تاکسیەکدا کە شۆفێر و دوو سەرنشینی تێدابوون دەستگیرکران.
ئاماژە بەوەشکراوە، ئەو سێ تۆمەتبارە ویستویانە هەزار و 400 فیشەک بەنایاسایی ببەنە وڵاتی ئێران، لەکاتی دەستگیرکردنیاندا دەستگیراوە بەسەر ئەو فیشەکانە و ئۆتۆمبێلەکەیاندا.
سێ تۆمەتبارەکەش بەبڕیاری دادگا بەپێی ماددەی 21ی چەک بەندکراون.
