جێگری سەرۆکی ئەنجومەنی وەزیران ڕایگەیاند، لە کۆبوونەوەیدا لەگەڵ ئیمانوێل ماکرۆن، سەرۆکی فەڕەنسا گفوگۆیان کردووە سەبارەت بە حوکمڕانی و چاکسازی و ئەو ئاڵنگاریانەی ڕوبەڕوی عێراق دەبێتەوە.
قوباد تاڵەبانی، جێگری سەرۆکی ئەنجومەنی وەزیران لە تۆڕی کۆمەڵایەتی تیوتەر نوسیویەتی، ” لەگەڵ ئیمانوێل ماکرۆن سەرۆکی فەرەنسا گفتوگۆمانکرد لەبارەی حکومڕانی و ئەو ئاڵنگاریانەی ڕوبەروی عێراق دەبێتەوە و جەختکرایەوە حکومڕانی باش پێویستی بە چاکسازی و سەروەری یاسایە بۆ عێراقێکی سەقامگیر و کوردستانێکی پارێزراو، ئێمە بە تەنیا ناتوانین ئەمە بەدیبێنین.”
بەرەبەیانی ئەمڕۆ 29ی ئاب، ئیمانوێل ماکرۆن، سەرۆکی فەڕەنسا گەیشتە هەرێمی کوردستان و لەگەڵ سێ سەرۆکایەتییەکەی هەرێم و بەرپرسانی دیکەی هەرێم کۆبوویەوە.
ماکرۆن لە سەردانەکەیدا پشتگیری بۆ هەرێمی کوردستان و پێشمەرگە دووپاتکردەوە و ڕایگەیاند ” لەگەڵ سەقامگیری ناوچەكەدان.”
