بافڵ تاڵەبانی و قوباد تاڵەبانی لەگەڵ عەدنان دەرجال کۆبوونەوە

PUK Co-president Bafel Talabani along with Deputy Prime Minister Qubad Talabani meets Iraqi Minister of Youth and Sports Adnan Darjal in Sulaimani, August 28, 2021.

ئێوارەی ئەمڕۆ بافڵ تاڵەبانی، ھاوسەرۆکی یەکێتیی نیشتمانیی کوردستان لە دەباشان پێشوازیکرد لە عەدنان دەرجال، وەزیری وەرزش و لاوانی عێراق.

لەدیدارێکدا کە قوباد تاڵەبانی، جێگری سەرۆکی حکومەت ئامادەبوو، گفتوگۆکرا لەبارەی دۆخی وەرزش و  لاوان و پەرەپێدانی پەیوەندییەکانی ھەردوولا و جێبەجێکردنی چەند پرۆژەیەکی ھاوبەش کە خزمەت بە بەھێزکردنی ژێرخانی وەرزشی و پەرەپێدانی تواناکانی گەنجان و لاوان بکات لە عێراق و هەرێمی کوردستان.

لە دیدارەکەدا جەخت لە ھەماھەنگی و ھاریکاری زیاتری نێوان هەردوولا کرایەوە لەھەموو ئەو بوارانەی کە خزمەتی زیاتری لاوان و وەرزش و بەرەوپێشچوونی دەکات.

بافڵ تاڵەبانی پشتیوانی و ھاوکاری یەکێتی بۆ ھەر پرۆژە و بەرنامەیەک دووپاتکردەوە کە خزمەت بەو توێژە گرنگ و کاریگەرەی کۆمەڵگا بکات و هەر هەوڵێکیش کە مەبەست لێی پێشخستنی کەرتی وەرزش بێت.

بابەتی پێشتر

نۆریچ سیتی 1-2 لیستەر سیتی

بابەتی دواتر

ڕاگەیەندراوی کۆتایی لوتکەی بەغداد

بابەتی پەیوەندیدار
Total
1
Share