وتەبێژی بەڕێوەبەرایەتیی هاتوچۆی هەولێر رایدەگەیەنێت، لەسەر رێگای سەرەكیی هەولێر-پیرمام بەهۆی پێكدادانی دوو ئۆتۆمبێلی تایبەت شۆفێری یەكێك لە ئۆتۆمبێلەكان گیانیلەدەستدا و هاوژینەكەشی برینداربوو.
فازڵ حاجی، وتەبێژی بەڕێوەبەرایەتیی هاتوچۆی هەولێر، رایگەیاند، ئەمڕۆ پێنجشەممە ئۆتۆمبێلیك لە جۆری لاندكرۆزی تایبەت بەهۆی تیژڕەوییەوە كۆنترۆڵی لەدەستداو كەوتە سایدی بەرامبەر و خۆی كێشا بە ئۆتۆمبێلێكی تری تایبەت كە شوفێرو سەرنشینێكی تێدا بوو، و دواتریش وەرگەڕا.
ئاماژەی بۆ ئەوەش كرد، لەدەرەنجامی رووداوەكە، شۆفێری ئۆتۆمبێلە تایبەتەكە، كە هیچ تاوانێكی نەبوو، گیانیلەدەستدا و سەرنشینەكەش كە هاوژینی بوو، بەسەختی برینداربوو.
