بەپێی دوایین ئاماری وەزارەتی تەندروستیی هەرێمی کوردستان، ئەمڕۆ ژمارەی حاڵەتەکانی گیانلەدەستدان بە کۆرۆنا لەهەرێمی کوردستان لەسەرەتای سەرهەڵدانی ڤایرۆسەکەوە گەیشتە پێنج هەزار و 20 حاڵەت.
لە ڕاگەیەندراوی 24 کاتژمێریی وەزارەتی تەندروستیدا هاتووە، لە شەو و ڕۆژی ڕابردوودا 20 کەس بە کۆرۆنا گیانیان لەدەستداوە و بەمەش کۆی ژمارەی حاڵەتەکانی گیانلەدەستدا بەڤایرۆسەکە لەهەرێم گەیشتە پێنج هەزار و 20 حاڵەتی مردن.
هەروەها دوو هەزار و 348 کەسی دیکە تووشی کۆرۆنا بوون و هەزار و 682 کەسیش چاکبوونەتەوە.
بەپێی ئامارە فەرمییەکانی وەزارەتی تەندروستیی هەرێمی کوردستان، تائێستا 263 هەزار و 975 کەس تووشی کۆرۆنا بوون، لەو ژمارەیە 211 هەزار و 500 کەسیان چاکبوونەتەوە و 47 هەزار و 455 توشبووش لەژێر چارەسەری پزیشکیدان.
