بەهۆی وشكەساڵییەوە ئەمساڵ گەنمی كەمتر وەرگیراوە

بەڕێوەبەری گشتیی بازرگانیی هەرێم ڕایگەیاند، “بەهۆی وشكەساڵی و بوونی مێروی “سن” لە گەنمدا كەمتر لەو بڕەی دیارییكرابوو وەرگیراوە”.

نەوزاد شێخ كامیل، بەڕێوەبەری گشتیی بازرگانی لە وەزارەتی بازرگانیی هەرێم، لە ڕاگەیەندراوێكدا ئاماژەی بەوەكردووە،”لە2021/8/1 پڕۆسەی وەرگرتنی جوتیاران لە هەرێمی كوردستان كۆتاییهاتووە، هەرچەندە بڕیاربوو بڕی (375) هەزار تۆن وەربگیرێت، بەڵام لە 33% ی ئەو ڕێژەیە گەنم وەرگیراوە”.

دەربارەی هۆكاری كەمبوونەوەی ڕێژەكەش نەوزاد شێخ كامیل دەڵێت، “بەهۆی وشكەساڵییەوە زۆری ئەو گەنمەی دەهات مێروی”سن” لێیدابوو، بۆیە نەتوانرا وەربگیرێن”.

هەروەها هۆكارێكی دیكەش ئەوەیە لە 2021/6/22 پڕۆسەی وەرگرتنی گەنم لە هەرێم دەستیپێكرد، بەڵام لە شارەكانی ناوەڕاست و خوارووی عێراق لە 2021/4/12 دەستیپێكرد و جوتیارەكان بەشێك لە گەنمەكانیان ناردبووە ئەو سایلۆیانە و لە هەمان كاتدا كۆمپانیاكانی كەرتی تایبەتیش بڕێك گەنمیان بە پارەی نەقدی وەرگرت.

ڕوونیشیكردەوە، هەموو ئەو هۆكارانە وایكرد، كە لە هەرێم تەنها (125) هەزار و 482 تۆن و 630 كیلۆ وەربگیرێت.

بڕی وەرگیراوی گەنمی جوتیاران بەپێی پارێزگاكان بەم شێوەیە، (سلێمانی 73 هەزار و 311 تۆن و 150 كیلۆ)

هەروەها لە هەولێر(46 هەزار و 187 تۆن و 720 كیلۆ وەرگیراوە، لە دهۆكیش شەش هەزار و 983 تۆن و 760 كیلۆ وەرگیراوە.

بابەتی پێشتر

دیار نییە كەی باجی سەر بەنزین لادەبرێت.. ئەوەی دەگوزەرێت لە بەرژەوەندیی کار گروپە

بابەتی دواتر

مەكتەبی سیاسیی یەكێتی پشتیوانی لە هەنگاوەكانی چاكسازی دەكات

بابەتی پەیوەندیدار
زیاتر ببینە

وه‌زاره‌تى دارایی فه‌رمانى ده‌ستبه‌كاربوونى بۆ به‌ڕێوه‌به‌رى نوێی گومرگی گه‌رمیان ده‌ركرد

وه‌زاره‌تى دارایی هه‌رێم فه‌رمانى ده‌ستبه‌كاربوونى بۆ به‌ڕێوەبه‌ری نوێی گومركی گه‌رمیان ده‌ركرد، دواى ئه‌وه‌ى هەردوو به‌ڕێوەبه‌رى پێشووى به‌ڕێوبه‌رایه‌تییه‌كه‌ و…