هەڵەبجە.. منداڵێک بە کوژراوی لە بیری مزگەوتێکدا دۆزرایەوە

منداڵێک لە شاری هەڵەبجە، دوای دیارنەمانی، درەنگانی شەوی ڕابردوو بەکوژراوی لەناو بیری مزگەوتێکدا دۆزرایەوە، بەپێی وتەی پۆلیس شوێنەواری لێدان بەسەریەوە هەبووە.

منداڵەکە ناوی ڕاوێژ قادر سەعدی-ە و تەمەنی نۆ ساڵ بووە، دانیشتووی گەڕەکی سەرای پارێزگای هەڵەبجەیە، بەپێی وتەی بەرزان عوسمان وتەبێژی بەڕێوەبەرایەتیی پۆلیسی هەڵەبجە، منداڵەکە لەناو بیری مزگەوتێکدا کە هیچ ئاوی تێدانەبووە، دۆزراوەتەوە.

بەرزان عوسمان ئاماژەی بەوەکردووە، منداڵەکە شوێنی لێدان بە سەریەوە هەبووە، کەسێکیش بەناوی (ا . س) تەمەن 25 ساڵ دانیشتووی هەڵەبجە بەتۆمەتی ئەنجامدانی تاوانەکە دەستگیرکراوە، لێکۆڵینەوەش لە ڕووداوەکە بەردەوامە.

بەپێی زانیارییەکانی تۆڕی میدیایی ئێستا، ئەو کەسەی بە تۆمەتی تاوانەکە دەستگیرکراوە مامی منداڵە کوژراوەکەیە.

بابەتی پێشتر

شەمخانی هەڕەشەی جووڵە دژی هێزە كوردییەكانی ڕۆژهەڵات لە هەرێمی كوردستان دەكات

بابەتی دواتر

سەرۆكی فەرەنسا داوایەك ئاراستەی سەرۆكی ئێران دەكات

بابەتی پەیوەندیدار
Total
1
Share