ئەمریکا نیگەرانە لە پێشڕەویی چەکدارانى تاڵیبان و بۆردومانیان دەکات, بزووتنەوەکەش بەڵێن دەدات تا کۆنترۆڵکردنى کابوڵ نەوەستێت.
جۆن کێربی, وتەبێژی وەزارەتى بەرگریی ئەمریکا “پێنتاگۆن” ڕایگەیاند, بزووتنەوەى تاڵیبان لە خاکى ئەفغانستان-دا پێشڕەوی کردووە.
کێربی جەختیکردەوە کە وڵاتەکەى لەڕێگەى هێرشی ئاسمانییەوە بەردەوام دەبێت لە پشتیوانیکردنى هێزەکانى حکومەتى ئەفغانستان و وتى, “هێزەکانى ئەفغانستان دەتوانن لەسەر زەوی گۆڕانکارى بکەن”.
هاوکات بزووتنەوەى تاڵیبان بەڵێنی دا کە تا کۆنترۆڵکردنى کابوڵ-ى پایتەختى ئەفغانستان لە پێشڕەویکردن نەوەستێت. ئەمەش دواى ئەو پێشڕەوییانەى هێزەکانى بزووتنەوەکە کە کۆنترۆڵکردنى چەندین ویلایەت و شار ناوچەی لێکەوتووەتەوە.
لاى خۆیەوە وەزارەتى دەرەوەى ئەمریکا ئاشکرایکرد, “واشنتن, زاڵماى خەلیل زاد نوێنەری تایبەتی ئەمریکا بۆ ئەفغانستان-ى ناردووە بۆ قەتەڕ “بۆ ئەوەی فشار لە تاڵیبان بکات تا هێرشە سەربازییەکانى ڕابگرێت و دانوستاندن بکات”.
