قائیمقامییەتی سلێمانی: هاوردەکردنی هێلکە بە قەدەغەکراوی دەمێنێتەوە و گۆشت هاوردە دەكرێت

قائیمقامییەتی سلێمانی ڕایگەیاند، بۆ هاوسەنگکردنی بڕ و نرخی بەروبوومی ئاژەڵی لە ناوخۆدا چەند بڕیارێک دراون، لەوانە هاوردەكردنی هێلکە بەقەدەغەکراوی دەمێنێتەوە و ماسی و ئاژەڵی زیندوو هاوردە دەکرێن.

بەگوێرەی ڕاگەیەندراوێك دوای کۆبوونەوەی قائیمقامییەتی سلێمانی سەبارەت بە هاوسەنگکردنی بەرهەمە ناوخۆییەکان، بڕیاردراوە “ڕێگرتن لە هاوردەکردنی مریشک و هێلکە بەردەوام بێت و گرنگیی زیاتر بە بەرهەمی ناوخۆیی بدرێت لەڕووی بڕ و نرخ و لایەنی تەندروستی و ڤێتێرنەرییەوە”.

لەبارەی بەرهەمی مریشکی سەربڕخانە ناوخۆییەکان، جەختكراوەتەوە کە “مەرجە بارکۆد و ستیکەری پێوە بێت و بەرهەمەکان تەنها بەشێوەی فرێش بن”.

ڕاگەیەندراوەكە ئاشكرایكردووە كە لەو کۆبوونەوەیەدا بڕیاردراوە ڕێگەبدرێت بە هاوردەکردنی سنوورداری ماسی بۆ هاوسەنگی لەگەڵ بازاڕ و بەرهەمی ناوخۆیی بە بڕی 600 تۆن بۆ مانگی ئاب و هاوردەکردنی ئاژەڵی زیندووش بە پێنج هەزار سەر دیاریکراوە.

بابەتی پێشتر

قوباد تاڵەبانی: پابەندین لە بەرەنگاربوونەوەی گەندەڵی و بەهەدەردانی سامانی وڵاتەکەمان

بابەتی دواتر

ئۆڵیمپیاد کۆتاییهات و ئەمریکا لە لوتکەدایە

بابەتی پەیوەندیدار
زیاتر ببینە

بومەلەرزەیەک دهۆکی هەژاند

بەیانی ئەمڕۆ بومەلەرزەیەک سنووری پارێزگای دهۆکی هەژاند و بەشێک لە هاوڵاتییان هەستیان پێکردووە. بەپێی ئەو زانیاریانەی پێگەی (earthquakes)…
Total
0
Share