پەیامنێر و وێنەگرێكی تۆڕی میدیایی ئێستا لەلایەن هێزێكی عێراقییەوە لە مەخمور دەستبەسەركران.
ئەیوب عەلی وەرتێیی، پەیامنێری تۆڕی میدیایی ئێستا لە هەولێر پێیڕاگەیاندین، “دوای ئەوەی شەوی ڕابردوو چەكدارانی داعش بازگەی كاتییان لە قەزاكە داناوە و جموجۆڵەكانی چەكدارەكانیان ڕووی لەزیادبوون كردووە، ئەمڕۆ وەك ستافی تۆڕی میدیایی ئێستا بۆ ئەنجامدانی ڕاپۆرتێك چووینە قەزاكە”.
وتیشی، “لەلایەن ئۆتۆمبێلێكی سەربازیی سوپای عێراقەوە بۆ ماوەیەك دەستبەسەركراین لەگەڵ وێنەگەرەكەم و مۆبایلی وێنەگرەكەش لەلایەن سەربازێكەوە شكێندرا”.
ئەیوب باسی لەوەشكرد، “پاش لێكۆڵینەوەكردن و چاودێریكردنی مۆبایلەكانمان، دوای كاتژمێرێك لەدەستبەسەركردنمان ئازادكراین”.
