لەگەڵ هەڕەشەی کۆرۆنا مەراسیمەکانی موحەرەم لە عێراق و ئێران دەستپێدەکات

لەگەڵ نزیکبوونەوەی مەراسیمی ئاینزای شیعە بۆ مانگی موحەرەمی ئەمساڵ، ڤایرۆسی کۆرۆنا لە عێراق و ئێران هەڕەشەی جدییە و لە هەردوو وڵات چەند ڕێکارێکی تەندروستی دەگیرێنەبەر.

لە کاردانەوەی بەڕێوەچوونی مەراسیمی مانگی موحەرەم، موقتەدا سەدر، ڕابەری ڕەوتی سەدر چەند ڕێنماییەکی بۆ شوێنکەوتوانی ڕەوتەکەی خۆی دەرکردووە و داوای دووری کۆمەڵایەتی و بەستنی ماسک دەکات.

لە نوسراوێکدا موقتەدا سەدر دەڵێت، ” دوركەوتنەوەی كۆمەڵایەتی لەناو مەراسیمەكە و بەستنی ماسک پێویستییە و دەبێت پابەندبوون پێیانەوە بە تەواوی بێت”.

بەپێی ڕێنماییەکەی سەدر، پێویستە خەڵکی کەمتر بکرێنە ژوورەوە بۆ مەراسیمەکە و ڕەچاوی هەڵگرانی کارتی ڤاکسینیش بکرێت.

لە ئێرانیش بەهەمان شێوە بەردەوامی شەپۆلی توشبوون بە کۆرۆنا یەکێکە لە کێشەکانی بەردەم مانگی موحەرەمم و لیژنەی ڕوبەڕوبوونەوەی کۆرۆناش چەند ڕێنماییەکی بۆ مەراسیمەکە دەرکردووە.

بەپێی ڕێنماییەکانی لیژنەی ڕوبەڕوبوونەوەی کۆرۆنا لە ئێران پێویستە خەڵکی کەمتر لە جاران بەشداری مەراسیمی مانگی موحەرەم بکەن و پاککردنەوەی شوێنەکان و بەستنی دەمامکیش مەرجی سەرەکی مەراسیمەکە دەبن.

ساڵانە شوێنکەوتوانی ئاینزای شیعە لە مانگی موحەرەمدا، کە چەند ڕۆژێکی ماوە دەستپێبکات یادی کوشتنی حسێنی کوڕی عەلی دەکەنەوە و چەندین رۆژ مەراسیمەکە بەردەوامی پێدەدەن.

بابەتی پێشتر

فەرەنسا ئاڵتونی تۆپی دەست و بالەی ئۆڵیمپیادی بەدەستهێنا

بابەتی دواتر

حیزبی دێموکراتی کوردستان تیرۆركردنی ئەندامێكی لە هەولێر ڕاگەیاند

بابەتی پەیوەندیدار
Total
4
Share