بانكی نێودەوڵەتی تێكڕای تەمەنی عێراقییەكانی بە 71 ساڵ دیاریكردووە، ژنانیش لە پیاوان زیاتر دەژین.
بانكی نێودەوڵەتی ڕاپۆرتێكی بڵاوكردووەتەوە و میدیا عێراقییەكان سەرنجیان خستووەتە سەر، بەپێی ڕاپۆرتەكە، تێكڕای تەمەنی هاوڵاتییانی عێراقی 71 ساڵە، بەشێوەیەك، تێكڕای تەمەن لای پیاوان 69 ساڵە و لای ژنانیش 73 ساڵە، واتا بە گشتی ژنان چوار ساڵ زیاتر لە پیاوان دەژین.
ڕاپۆرتەكە ئاشكراشیكردووە، 79%ی ژنانی عێراق تا تەمەنی 65 ساڵی لەژیاندا دەمێنن، بەڵام لە پیاواندا ڕێژەكە كەمترە.
لە سەرەتای ئەمساڵدا وەزارەتی پلاندانانی عێراق ئاشكرایكرد، ژماری دانیشتوانی وڵاتەكە 40 ملیۆن كەسی تێپەڕاندووە، كە 50.5%ی نێر و 49.5%ی مێینەن.
