لەسەر ڕاسپاردە‌ی بافڵ تاڵەبانی كێشەی موچەی كارمەندانی نەخۆشخانەی قەڵا چارە‌سە‌ركرا.
دوای ئەوەی سە‌رپە‌رشتیاری ئیدارەی گەرمیان، نوسراوێكی ئاڕاستە‌ی یەكێتیی نیشتمانیی كوردستان كرد و داوای دابینكردنی موچەی كارمەندان و خۆبە‌خشانی نەخۆشخانەی قەڵا-ی كرد. لە‌بە‌رامبە‌ردا، ئیدارەی دارایی یەكێتی لەسەر ڕاسپاردە‌ی بافڵ تاڵەبانی، هاوسەرۆكی یەكێتی بڕیاری تە‌رخانكردنی موچەكە‌یانیدا.
ئە‌م بودجە‌یە‌ی كە داواكراوە بۆ كارمەندان و خۆبە‌خشانی نەخۆشخانەی قە‌ڵایە كە تایبە‌تە بە كۆرۆنا، بۆ ھە‌ر مانگێك 57 ملیۆن دینار تە‌رخاندە‌كرێت.
عەباس ئەنوەر، وتەبێژی ئیدارەی گەرمیان بە تۆڕی میدیایی ئێستای ڕاگەیاند، ماوەی چوار مانگە، موچەی كارمەندان و پزیشكانی نەخۆشخانەی قەڵای تایبەت بە كۆرۆنا لە گەرمیان خەرجنەكراوە، ئەوەش نیگەرانی و ناڕەزایی لای ئەو كارمەند و پزیشكانە دروستكردووە.
وتیشی، “ئەمڕۆ ئاگاداركراونەتەوە، بافڵ تاڵەبانی بڕیاریداوە، لەسەر ئەركی ئیدارەی دارایی یەكێتی، بەزووترین كات موچەی ئەو چوار مانگەی كارمەندان و پزیشكانی نەخۆشخانەی قەڵا چارەسەربكرێت، لە مانگەكانی داهاتوشدا هەر لەسەر ئەركی یەكێتی موچەكەیان بۆ خەرجبكرێت”.
