تیمێك لە زانا و توێژەرانی پەیمانگەی “MIT” سەرگەرمی توێژینەوەیەكن بە ناوی “Space Bubbles” كە ئامانجی دابەزاندنی پلەكانی گەرمایە لەسەر هەسارەی زەوی.
پلانی توێژەرەكان ئەوەیە بڵقی زەبەلاح لە سلیكۆن دروستبكرێت، لەنێوان خۆر و زەویدا جێگیربكرێن بۆ ئەوەی بەربگرن لە گەیشتنی تینی خۆر بە زەوی بەو گەرمییەی ئێستای.
زانا و توێژەرەكانی پەیمانگەی “MIT” دەڵێن، ئەگەر بتوانن تیشكی خۆر بە ڕێژەی 1.8% بگەڕێننەوە یاخود پەرتیبكەن و ڕێگریبكەن لە گەیشتنی بە هەسارەی زەوی، ئەوا زەوی لە كاریگەرییە توندەكانی دیاردەی قەتیسبوونی گەرمی و گۆڕانی ئاووهەوا ڕزگاریدەبێت.
بەپێی پلانەكە، ئەو بڵقانە لە ناوچەی خاڵی لارانج هەمان ئەو ناوچەیەی كە تەلیسكۆپی جەمیس وێبی تیادا جێگیركراوە لە بۆشایی ئاسماندا جێگیردەكرێن، بەوەش تیشكی خۆر پەرتدەكەن و وەك زانایان دەڵێن، “دەستبەرداربوون لە بڵقەكان ئاسانە و هەركات لەناوبردنیان پێویستبێت، دەتوانرێت بەبێ بەكارهێنانی تەقەمەنیی زۆر لەناوببرێن”.
