وەزیری پێشمەرگە: پەیوەندی و هەماهەنگی نێوان پێشمەرگە و سوپای عێراق بۆ ئاستێكی باڵاتر بەردەوام دەبێت

وەزیری پێشمەرگە ڕایگەیاند، پەیوەندی و هەماهەنگی پێشمەرگە لەگەڵ سوپای عیراق بۆ ئاستێكی باڵاتر بەردەوام دەبێت، لەبەرامبەر ڕوبەڕوبوونەوەی تیرۆرستان لە ناوچە جێناكۆكەكاندا.

بە پێی ڕاگەیەندراوێكی وەزارەتی پێشمەرگە، ئه‌مڕۆ دووشەممە شۆڕش ئیسماعیل، له‌گه‌ڵ فه‌رمانده ‌و ئه‌فسه‌رانی هه‌ردوو ناوه‌ندی باڵای هه‌ماهه‌نگی هه‌ولێر – به‌غداد و هه‌ر چوار ناوه‌نده‌كانی هه‌ماهه‌نگی هاوبه‌شی خانه‌قین – كه‌ركوك – موسڵ – كه‌سك)ی نێوان هێزی پێشمه‌رگه‌ و سوپای عێراقی كۆبووەتەوە‌.

لە كۆبوونەوەكەدا كە ژمارەیەك بەرپرس و فەرماندەی وەزارەتی پێشمەرگە ئامادەیبوون، شۆڕش ئیسماعیل وەزیری پێشمەرگە ئاماژەی بەوەكردووە، “دوای دروستبوونی ناوەندەكانی هەماهەنگی هاوبەش لەنێوان هێزی پێشمەرگە و سوپای عیراق، تیرۆریستان دەرفەتی قۆستنەوەی كاری تیرۆریستی و تێكدەرانەیان كەمبووەتەوە”.

هەروەها، جەختیكردەوە لەسەر بەردەوامیدان بە پەیوەندی و هەماهەنگی لەگەڵ سوپای عیراق بۆ ئاستێكی باڵاتر، لەبەرامبەر ڕوبەڕوبوونەوەی تیرۆر و تیرۆریستان لەناوچە جێناكۆكەكاندا.

بۆئەو مەبەستەش فەرماندە و ئەفسەرانی بنكەكانی هەماهەنگی ئەمنیی ڕاسپاردووە، كە لەئەرك و فەرمانی خۆیان بەردەوام بن و پاڵپشتی و پشتگیری وەزارەتی پێشمەرگەشی لە پڕكردنەوەی پێویستی و چارەكردنی كەموكوڕییەكان دووپاتكردەوە.

شۆڕش ئیسماعیل ئەوەشی وتووە، ‌ لەماوەی ڕابردوودا دۆخی ناوچە جێناكۆكان لە مەترسیدا بووە ‌و بەردەوام تیرۆریستان دەرفەتی قۆستنەوەی كاری تێكدەرانە و نامرۆڤانەیان هەبووە، بۆیە لە ئێستادا پێشمەرگە و سوپای عیراق پێویستی بەهەماهەنگی و هاوبەشی و چاودێری وردی ناوچەكە هەیە، تا لەو ڕێگەیەوە هاوڵاتیان و دانیشتوان و تەواوی پێكهاتەكانی ئەو ناوچانە پارێزراوبێت.

بابەتی پێشتر

كۆرۆنا لە هەرێم.. زیاتر لە سێ هەزار توشبووی دیکە تۆماركرا

بابەتی دواتر

دابەشكردنی ئاو لە هەولێر ڕاگیرا

بابەتی پەیوەندیدار
زیاتر ببینە

مەسرور بارزانی: لەگەڵ کۆمپانیا بەرهەمهێنەرەکانی ڤاکسیندا لەپەیوەندیداین بۆ دابینکردنی بڕی تەواو بۆ هەرێم

سەرۆکی حکومەتی هەرێمی کوردستان بەبۆنەی گەیشتنی یەکەم کاروانی ڤاکسینی دژە کۆرۆنا بە هەرێمی کوردستان پەیامێکی بڵاوکردەوە و ڕایگەیاند…
Total
1
Share