مۆزەخانەی عێراق دووبارە دەكرێتەوە

مۆزەخانەی عێراق

پاش گەڕاندنەوەی 17 هەزار پارچە شوێنەوار لە ئەمریكاوە، سەرۆك وەزیرانی عێراق بڕیاریدا دووبارە مۆزەخانەی عێراق بەڕووی هاوڵاتییان و توێژەراندا بكرێتەوە.

مستەفا كازمی، سەرۆك وەزیرانی عێراق ڕایگەیاند، هاوكات لەگەڵ گەڕاندنەوەی 17 هەزار پارچە شوێنەواری عێراقی لەگەڵ شاندی حكومیدا، كە دوێنێ كۆتایی بە سەردانێكی سەركەوتوو بۆ واشنتن هێنا، ڕێنماییمان دا بۆ سەرلەنوێ كردنەوەی مۆزەخانەی عێراق بەڕووی جەماوەر و توێژەراندا.

كازمی لە تویتێكدا دەشڵێت، كردنەوەی مۆزەخانەكە دەبێتە سەرەتایەكی نوێ بۆ  “ئیلهام وەرگرتن لە بەها شارستانییەكان و، ناسنامەی ڕەسەنی نیشتیمانی و، ڕۆشنبیركردنی نەوەكان بەوەی ئەم خاكە لە زانست و ڕۆشنبیری و دەستكەوت پێشكەشی كردووە”.

ئێوارەی دوێنێ سەرۆك وەزیرانی عێراق و شاندی یاوەری پاش سەردانێكی چەند ڕۆژە بۆ ئەمریكا گەڕانەوە بەغداد.

دوابەدوای گەڕانەوەشیان نوسینگەی كازمی بڵاویكردەوە، لەو سەردانەدا 17 هەزار پارچەی شوێنەوار گەڕێندراونەتەوە، كە لە ویلایەتە یەكگرتووەكان وەرگیراوە و بەهەمان فڕۆكەی شاندەكە گەڕێندراوەتەوە عێراق.

بابەتی پێشتر

تەندروستیی جیهانی: ڤایرۆسی گۆڕاوی دەلتا نابێتە دواهەمین

بابەتی دواتر

زیاتر لە 10 هەزار ژەمە ڤاکسینی کۆرۆنا هەفتانە دەگاتە عێراق

بابەتی پەیوەندیدار
Total
1
Share