سێرجینیۆ دێست بۆندی سێ یانەی گەورەی ڕەتکردووەتەوە و بەردەوامبوونی لە یانەی بەرشلۆنە ڕاگەیاندووە.
ڕۆژنامەکانی مارکا و سپۆرتی ئیسپانی لەزاری سەرچاوە ناوخۆییەکانی یانەی بەرشلۆنەوە ئاشکرایانکردووە، سێرجینیۆ دێست لەلایەن یانەکانی بوروسیا دۆرتمۆند، ئارسیناڵ و مۆناکۆ لە خولەکانی ئەڵمانیا، ئینگلتەرا، فەرەنساوە بۆندی پێشکەشکراوە، بەڵام ناوبراو سەرجەمیانی ڕەتکردووەتەوە و بەردەوامبوونی لە یانە کەتەلۆنییەکەی ڕاگەیاندووە.
دێستی تەمەن 20 ساڵ هاوینی ڕابردوو لە یانەی ئەیاکس ئەمستەردامەوە پەیوەندی بە بەرشلۆنەوە کرد، تاوەکو ئێستا 41 یاری بەدرێسی ئازولگراناوە ئەنجامداوە، سێ گۆڵی تۆمارکردووە.
8' | 💥 ¡@sergino_dest llegando con peligro! ¡Vamos! #ForçaBarça pic.twitter.com/TTqbYfSOq6
— FC Barcelona (@FCBarcelona_es) July 21, 2021
دێست وەرزی ڕابردوو لە پێگەی بەرگری باڵی ڕاست یاریکردووە، بەوپێیەی لە چالاکییە نێودەوڵەتییەکانی لە پێکهاتەی ئەمریکا بەشداری پاڵەوانێتی کۆنکاکافی نەکردووە، چاوەروواندەکرێت بۆ وەرزی 2021-2022 بەباشترین ئاستەوە ئامادەبێت.
