پارتی دیموکراتی کوردستان پێشوازی له گفتوگۆی ستراتیژی نێوان عێراق و ئه‌مه‌ریكا دەکات و داواش لەلایەنەکان دەکات و پابەند بن بە سەرجەم ئەو خاڵانەی لە چوارچێوەی پرەنسیپی رێككەوتنی ستراتیژیدا ئاماژەیان بۆ كراوە.
لە راگەیەنراوێکدا پارتی ئاماژەی بەوەكردووە، “هەوڵ و كۆششی شاندی حكومەتی عێراق و لەنێویدا حكومەتی هەرێمی كوردستان بەرز دەنرخێنین بۆ گەیشتن بە رێككەوتنی كۆتایی و پەسندكراوی ڕاگەیەندراو بە مەبەستی كۆتاییهێنان بەو بارگرژی و توندوتیژییەی لەسەر گۆڕەپانی سیاسی عێراقدا هەیە”.
هەر لە ڕاگەیەندراوەكەی پارتی هاتووە، “ئێمە وەك پارتی دیموكراتی كوردستان و سەرجەم لایەنە سیاسییە نیشتیمانییەكانی عێراق و گەلی عێراق، بە گرنگییەوە سەیری ڕێڕەوی گفتوگۆی ستراتیژیی نێوان هەردوو حكومەتی عێراق و ویلایەتە یەكگرتووەكانی ئەمەریكا دەكەین سەبارەت بە بەردەوامیی پەیوەندیی نێوان هەردوو وڵات و گەل و دواڕۆژی مانەوەی هێزەكانی هاوپەیمانان لەسەر خاكی وڵات.
ئەوەشخراوەتەڕوو،”ئێمە لە كاتێكدا كە هەوڵ و كۆششی شاندی حكومەتی عێراق و لەنێویدا حكومەتی هەرێمی كوردستان بەرز دەنرخێنین بۆ گەیشتن بە رێككەوتنی كۆتایی و پەسندكراوی ڕاگەیەندراو بە مەبەستی كۆتاییهێنان بەو بارگرژی و توندوتیژییەی لەسەر گۆڕەپانی سیاسی عێراقدا هەیە”.
پارتی دەشڵێت، “ئەوە دووپات دەكەینەوە كە پێویستە هەموو لایەك پابەندی خاڵەكانی ئەم ڕێككەوتنە بن بە نیازێكی پاك و دووربكەونەوە لە توندوتیژی و گرژتركردنی بارودۆخە ئاڵۆزەكە لە وڵاتدا، بۆ ئەوەی بەیەكەوە كار بكەین بۆ چەسپاندن و بەرقەراریی ئاسایش و ئارامی لە عێراق و هەرێمی كوردستان و ناوچەكەدا و پێویستە هەمووانیش پابەند بن بە سەرجەم ئەو خاڵانەی لە چوارچێوەی پرەنسیپی رێككەوتنی ستراتیژیدا ئاماژەیان بۆ كراوە”.
