وەزارەتی کارەبای هەرێم ڕایگەیاند، وەک هاوکارییەک بۆ هاوڵاتییان، لە سبەینێوە ماوەی کوژانەوەی پێوەری زیرەک لە 45 خولەکەوە کەمدەکرێتەوە بۆ 20 خولەک.
هەر پێوەرێکی زیرەکی هاوبەشی کارەبا بۆ ماڵان 40 ئەمپێر کارەبا بۆ هاوبەشەکە دابیندەکات، لە ئەگەری بەکارهێنانی کارەبای زیاتر لەو ڕێژەیە، کارەباکەی بۆ ماوەیەک دەکوژێتەوە، تا دوایین جار دەگەیشتە 45 خولەک.
بەڵام وەزارەتی کارەبا ڕایگەیاندووە، لەپێناو هاوکاریکردنی هاوڵاتیان و بەدەنگەوەهاتنی داواکارییەکانیان، بڕیاریدا ماوەی کوژاندنەوەی پێوەرەکە لە 45 خولەکەوە بۆ 20 خولەک کەمبکرێتەوە.
وەزارەتی کارەبای هەرێم داوا لە هاوبەشان دەکات بەپێی ئەو بڕە کارەبایەی بۆیان دیاریکراوە، بەکاریبێنن و یارمەتیدەری بەدیهێنانی دادپەوەری لە پرۆسەی دابەشکردنی کارەبا بن.
