وەزارەتی تەندروستیی هەرێمی كوردستان ڕایگەیاند، لەماوەی 24 كاتژمێری ڕابردوو هەزار و 220 كەس تووشی كۆرۆنابوون و 22 كەسیش بەهۆی ڤایرۆسەكەوە گیانیان لەدەستداوە.
بەپێی ڕاگەیەندراوێكی وەزارەتی تەندروستیی هەرێم، لە ماوەی 24 كاتژمێری ڕابردوو هەزار و 220 توشبووی كۆرۆنا تۆماكراوە، لە بەرامبەریشدا 701 توشبوو چاكبوونەتەوە و 22 كەسیش بەهۆی ڤایرۆسەكەوە گیانیان لەدەستداوە.
ڕێژەی مردن بە كۆرۆنا ماوەی چەند ڕۆژێكە لەهەرێمی كوردستان بەرزبووەتەوە ئەویش بەهۆی بڵاوبوونەوەی کۆرۆنای جۆری دەلتا و لە سلێمانیش دوێنێ هەشت كەس بەهۆی جۆرەنوێیەكەی كۆرۆناوە گیانیان لەدەستداوە.
كۆی توشبووانی كۆرۆناش لەهەرێم گەیشتە 209 هەزار و 220 توشبوو، لەو ڕێژەیەش 189 هەزار و 481 كەس چاكبوونەتەوە و چوارهەزار و 648 كەسیش بەهۆی ڤایرۆسەكەوە گیانیان لەدەستداوە.
