بەڕێوەبەرایەتیی پۆلیسی سلێمانی کەسێکیان دەستگیرکرد، کە شەوی ڕابردوو لە شەقامی سالمی شاری سلێمانی تەقەی کردووە، دەستیش بەسەر ئۆتۆمبێل و چەکەکەیدا گیراوە.
لە ڕاگەیەندراوێکدا بەڕێوەبەرایەتیی پۆلیسی سلێمانی ئاشکرایکرد، لە کاتژمێر 2:25 خولەک کەسێک بەنایاسایی ئۆتۆمبێلی لە شەقامی سالم ڕاگرتووە و تەقەی کردووە.
بەپێی ڕاگەیەندراوەکە، تۆمەتبارەکە ناوی (د. ا. م)ــە و لەدایکبووی 1982وە، دوای گەیشتنی پۆلیسی فریاکەوتنی سلێمانی، دەستگیرکراوە و دەستبەسەر دەمانچە و ئۆتۆمبێلەکەیدا گیراوە.
ئێستا ئەو تۆمەتبارە بە فەرمانی دادوەری لێکۆڵینەوە ڕاگیراوە و پەڕاوی لێکۆڵینەوەی بۆ کراوەتەوە.
