لە سێیەم ڕۆژی هەڵمەتی بە فەرمی ناساندنی خۆبەڕێوەبەریی باکوور و ڕۆژهەڵاتی سوریا پێشنیازکراوە پەرلەمانی کەتەلۆنیا لە ئیسپانیا بە فەرمی ئیدارەی ڕۆژئاوا بناسێنێت.
بڕیارە دوای خوێندنەوەی پێشنیازەکە لەلایەن لیژنەکانی پەرلەمانەوە ئەو پرسە بخرێتە دەنگدانەوە و بە فەرمی ئیدارەی ڕۆژئاوا بناسێندرێت.
حکومەتی کەتەلۆنیا پێکدێت لە حزبەکانی چەپی کۆماریی و یەکێتیی بۆ کەتەلۆنیا، CUPیش کە لەدەرەوەی حکومەتە، پشتگیریی پێشنیارنامەکە دەکات، هەروەها، ئەن کۆمو پۆدێم و پۆدەمۆس، وەکو هاوپەیمانییەکی چەپی ئۆپۆزسیۆن، پشتگیریی دەکەن.
هەوڵی ناساندنی خۆبەڕێوەبەریی باکوور و ڕۆژهەڵاتی سوریا لە کاتێکدایە، ئیمانیۆل ماکرۆن، سەرۆکی فەڕەنسا پێشوازی لە شاندێکی ڕۆژئاوا کرد و ئەو پێشوازییە تورکیای توڕەکردووە.
