بەهۆی کارکردنی کۆمپانیایەکی وەبەرهێنان بۆری ئاوی ئیفراز یەک هەولێر شکا و بەوهۆیەشەوە 10%ی دانیشتووانی هەولێر بێئاو دەبن.
پەیامنێری تۆڕيی میدیایی ئێستا لە هەولێر ڕایگەیاند، بۆری ئیفراز یەکی هەولێر لە نزیک گوندی بەردحوشتر شکاوە و هۆکارەکەشی کارکردنی کۆمپانیایەکی وەبەرهێنان بووە لەو ناوچەیە.
پرۆژەکە ئاوی 40%ی ئاوی هەولێر دابیندەکات و بەهۆی شکانی بۆرییەکەوە نزیکەی 15 گەڕەکی هەولێر بێ ئاو دەبن.
بەهۆی ئەوەی ئەو پرۆژەیە پێشر لەلایەن ئەمریکییەکانەوە دروستکراوە و شوێنی تێپەڕبوونی بەناو هەولێردا نەزانراوە، بۆیە ئەوە هەژدەیەمین جارە ئەو بۆرییە دەشکێت.
