لە حاڵەتێکی دەگمەندا ژنێک لەیەککاتدا تووشی دوو جۆری کۆرۆنا بووە

توێژەران حاڵەتێکی دەگمەنی توشبوون بە کۆرۆنایان لە ژنێکدا دەستنیشانکرد، کە لەیەککاتدا تووشی دوو جۆری جیاوازی کۆرۆنا بووە.

ڕۆژنامەی ئیندیپێندنتی بەریتانی بڵاویکردەوە، ژنێکی تەمەن 90 ساڵی بەلجیکی لەیەککاتدا تووشی دوو جۆری کۆرۆنا بووە و ئەوەش لای توێژەران بە حاڵەتێکی دەگمەن ناودەبرێت.

ئەو ژنە لە مانگی ئازاری ڕابردوودا تووشی کۆرۆنا بووە و لە نەخۆشخانە ماوەتەوە، بەڵام دوای پێنج ڕۆژ لە مانەوەی گیانیلەدەستداوە.

توێژەران نمونەیەکیان لە نەخۆشەکە هێشتووەتەوە لە تاقیگەکانیاندا بۆ دیاریکردنی جۆری کۆرۆنای ئەو ژنە، چونکە هیچ نیشانەیەکی سەرەتایی ڤایرۆسەکەی تێدانەبووە.

دوای توێژینەوە لە نمونەی نەخۆشەکە دەرکەوتووە، کە توشبووی هەردوو جۆری كۆرۆنای گۆڕاوی ئەلفا (بەریتانییەكە) و بیتا (ئەفریقییەكە) بووە.

لەوبارەیەوە زانای بواری زیندەزانی ئان ڤانکیربێرجین، کە یەکێک بووە لەوانەی بەشداریکردووە لە لێكۆڵینەوەی حاڵەتی ئەو ژنەدا دەڵێت، “ئەوە یەکێکە لە حاڵەتە دەگمەنەکان لەکاتێکدا هەردوو جۆری ئەلفا و بیتا لە بەلجیکا بڵاوبوونەتەوە و دەکرێت کەسێک لەیەککاتدا لە دوو کەسی جیاوازەوە تووشی دوو جۆری جیاواز ببێت”.

ئاماژەی بەوەشکردووە، ئەوەی سەختە دەستنیشانکردنی ئەوەیە کام جۆریان بووەتە هۆی گیانلەدەستدانی خێرای ژنەکە دوای مانەوەی لەنەخۆشخانە.

بابەتی پێشتر

تەرمی ژنێك لە هەولێر دۆزرایەوە

بابەتی دواتر

لەبارەی ئاوەوەیە.. عێراق هۆشداری بە ئێران دەدات

بابەتی پەیوەندیدار
Total
1
Share