بەهۆی ڕووداوێکی هاتوچۆ لە قەڵادزێ، کە وەرگەڕان بووە، چوار کەس گیانیان لەدەستدا و دوو کەسی دیکە برینداربوون.
عەلی عەبدوڵا وتەبێژی بەڕێوەبەرایەتیی هاتوچۆی ڕاپەڕین بەتۆڕی میدیایی ئێستای وت، “ڕووداوەکە لە کاتژمێر 8:00ی ئەمشەو لەسەر ڕێگای قەڵادزێ – دارەشمانە ڕوویداوە و بەهۆیەوە چوار کەس گیانیان لەدەستداوە”.
بەپێی وتەی وتەبێژی هاتوچۆی ڕاپەڕین دوو کەسی دیکە لەو ڕووداوەدا برینداربوون و گواستراونەتەوە بۆ نەخۆشخانە و تەرمەکانیش ڕەوانەی پزیشکی داد کراون.
