بەپێی ئامارێکی بەڕێوەبەرایەتی پۆلیسی هەولێر لە ماوەی شەش مانگی ڕابردوودا زیاتر لە 7 هەزار حاڵەتی تاوان تۆمارکراوە و لەگەڵ هاتنی وەرزی گەرماشدا حاڵەتەکان زیاتر بوون.
بەپێی ئامارەکە لە مانگی یەکی ئەمساڵ هەزار و 254 تاوانی جۆراوجۆر ئەنجامدراوە لە مانگی پێنجی ئەمساڵ ڕێژەکە بەرزبووەتەوە بۆ هەزار و 582 حاڵەتی تاوان.
پۆلیسی هەولێر ئاشکرایکردووە، “بەکۆی گشتی لەماوەی شەش مانگدا 7 هەزار و 981 تاوان تۆمارکراوە و لەو ژمارەیەش 7 هەزار و 209 حاڵەتیان لەلایەن پۆلیسەوە ئاشکرا کراوە.
لەبارەی ڕووداوەکانی کوشتنەوە، پۆلیسی دەڵێت، “لە سنوری پارێزگای هەولێر بۆ شەش مانگ 34 حاڵەتی کوشتن تۆمارکراوە و لەو ژمارەیەش 31حاڵەتیان ئاشکراکراون و ڕێژەی (ئینجاز) بۆ پۆلیس ٪91 بووە.
