حکومەتی هەرێمی کوردستان بڕیاریدا لەسەر بودجەی شارەوانی سلێمانی، بڕی پێنج ملیار و 836 ملیۆن و 440 هەزار دینار بۆ کۆکردنەوە و گواستنەوەی خۆڵ و خاشاکی پارێزگاكە خەرجبكات.
لە ڕاگەیەندراوێكدا، سەرۆکایەتیی حکومەتی هەرێمی کوردستان ئاماژەی بەوەكردووە، “ئەو بڕە پارەیە بۆ ماوەی یەک ساڵە لە ڕێکەوتی 2021/1/1 تا2021 /12/31 بۆ وەزارەتی شارەوانی و گەشتو گوزار/ سەرۆکایەتی شارەوانی سلێمانی خەرجکرا”.
باسلەوەشكراوە، “ئامانج لە خەرجکردنی ئەو بڕە پارەیە بۆ کۆکردنەوە و گواستنەوەی خۆڵ و خاشاکە لە زۆنی (1)ی سنووری ڕۆژهەڵاتی سلێمانی و زۆنی (4)ی سنووری باشووری شاری سلێمانی، ئەو بڕە پارەیەش لەسەر بودجەی سەرۆکایەتی شارەوانی سلێمانی خەرج دەکرێت”.
