وەزارەتی دارایی و ئابوریی هەرێم، ئەمڕۆ چوارشەممە لیستێكی نوێی دابەشكردنی موچەی مانگی شەشی ژمارەیەك وەزارەت و دەستەی دیكەی بڵاوكردەوە.
لیستەكەی وەزارەتی دارایی بەهەمان میکانیزمی مانگی پێشوو بە لێبڕینی ٪21-وە دەبێت.
پێشتر حكومەتی هەرێمی كوردستان بڕیاریدابوو لە 25ی مانگەوە موچە دابەشبكات و بە چەند ڕۆژێك كۆتایی پێبێنێت، بەڵام دوو مانگە وەزارەتی دارایی بەبیانووی نەگەڕاندنەوەی داهاتە جیاوازەكان، لەماوەی 12 ڕۆژی ڕابردوو موچەی مانگی شەشی تەنها چوار وەزارەتی دابەشكردووە.
